काठमाडौं । नेपालमा आईतबार मात्रै थप ७ हजार २ सय ११ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा आरटी पीसीआर परिक्षण गर्दा ७ हजार १ सय ३७ जना र एन्टिजन परिक्षण गर्दा ७७ जना गरि जम्मा ७ हजार २ सय ११ जना नयाँ संक्रमित थपिएका हुन् ।
आज थपिएका संक्रमितमध्ये भक्तपुरका ३ सय १ जना, ललितपुरका ५ सय ५० जना र काठमाडौंका २ हजार ७ सय ४४ जना गरि जम्मा ३ हजार ५ सय ९५ जना उपत्यकाका मात्रै छन् ।
योसंगै नेपालभर कोरोना संक्रमितको संख्या ३ लाख ३६ हजार ३० पुगेको छ । संक्रमित मध्ये २ लाख ८३ हजार ९ सय ९४ जना निको भएर घर फर्किसकेका छन् । हाल संक्रिय संक्रमितको संख्या ४८ हजार ७ सय ११ रहेको छ ।
पछिल्लो २४ घण्टामा २७ जनाको मृत्यु भएको छ भने १ हजार ६ सय १२ जना कोरोना संक्रमणबाट मुक्त भएर घर फर्किएका छन् ।
