काठमाडौं । काठमाडौं उपत्यकामा विहिबारदेखि सुरु हुने निषेधाज्ञा आदेशमा संशोधन भएको छ । जिल्ला प्रशासन कार्यालय काठमाडौंले सोमबार जारी गरेको आदेशमा मंगलबार संशोधन गरी निषेधाज्ञाको समयमा बैंक तथा वित्तीय संस्थालाई संस्थाको परिचयपत्रका आधारमा आवतजावत गर्न पाइने व्यवस्था गरेको छ ।
प्रशासनले बैंक तथा वित्तीय संस्था तथा राष्ट्रबैंकबाट बित्तीय कारोबार गर्ने इजाजत प्राप्त सहकारीका कर्मचारीलाई सो व्यबस्था गरेको हो ।
साथै विवाहमा सहभागी हुन व्यानर र दुलाह–दुलही सहित १५ जनाका लागि दुईवटा सवारी साधन प्रयोग गर्न सवारी पास आवश्यक नपर्ने व्यबस्था पनि गरिएको छ ।
त्यस्तै किराना पसल र डिपार्टमेन्ट स्टोरलाई बिहान १० बजेसम्म र बेलुका ५ देखि ७ बजेसम्म व्यवस्था गरिएको छ ।
