काठमाडौं । नेपाली बजारमा आज (मंगलबार) सुनको मूल्यमा सामान्य गिरावट आएको छ भने चाँदीको मूल्य सामान्य बढेको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा एक सयले घटेर ९१ हजार २ सयमा कारोबार भइरहेको छ ।
यसअघि सोमबार छापावाला सुन तोलाको ९१ हजार ३ सयमा कारोबार भएको थियो । त्यस्तै आज तेजावी सुनको मूल्य प्रतितोला ९० हजार ७ सय रहेको छ ।
त्यसैगरी आज चाँदीको मूल्य तोलामा ५ रुपैयाले बढेर प्रतितोला १३१५ मा कारोबार भइरहेको महासंघले जनाएको छ ।
