काठमाडौं । मंगलबार मात्रै नेपालमा थप १ हजार ७ सय ३६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार ५५ जनाको पीसीआर परीक्षणमा १ हजार ६ सय ६७ र ६ सय ८३ एन्टिजेन परीक्षणमा ६९ गरी १ हजार ७ सय ३६ जनामा संक्रमण पुष्टि भएको हो ।
त्यस्तै कोरोना भाइरस संक्रमणका कारण मंगलबार थप ११ जनाको मृत्यु भएको छ । पछिल्लो २४ घण्टामा २ सय ५१ जना कोरोना भाइरस संक्रमणमुक्त भएका छन् ।
यस्तै मंगलबार थप १ सय ९३ जना बालबालिकामा समेत कोरोनो भाईरसको संक्रमण पुष्टि भएको छ । जसमा ० देखि ९ वर्ष उमेर समूहका ४३ बालबालिका र १० देखि १९ वर्ष उमेर समूहका १५० जना बालबालिका रहेका छन् ।
