काठमाडौं । सरकारले मानिसहरु जम्मा हुनेगरी संचालनमा आउने विभिन्न व्यवसायहरुलाई आगामी बैशाख मसान्तसम्मका लागि बन्द गरेको छ । सोमबार बसेको मन्त्रीपरिषद बैठकलले मानिसको भौतिक उपस्थित हुने खालका, क्लव, दोहोरी, मानिस जम्मा भई गरिने रंगशालाको खेल, हाटबजारलगायत बन्द गर्ने निर्णय गरेको हो । जसमा स्विमिङ पुल, जिमखाना, सिनेमा हल, क्लव, दोहोरीलगायत परेका छन ।
सोमबारको मन्त्रीपरिषदको बैठकका निर्णय सुनाउँदै सरकारका प्रवक्ता पार्वत गुरुङले नयाँ भेरियन्टको कोरोना भाईरसको महामारीको प्रकोप बढेसँगे यस्तो निर्णय गरेको बताएका हुन् । यस्तै उनले काठमाडौंलगायतका शहरी क्षेत्रका विद्यालयहरुलाई भौतिक रुपमा उपस्थित नगराई भर्चुअल माध्यमबाट संचालनमा ल्याउनेसमेत निर्णय भएको जानकारी दिएका छन् ।
उनले अब विवाह, व्रतबन्धलगायत धार्मिक कार्यका लागि पार्टी प्यालेस बुक गर्नेभए २५ जनाभन्दा बढि जम्मा नहुनेगरी सम्बन्धित प्रमुख जिल्ला अधिकारीको पूर्व स्विकृती लिनुपर्नेसमे जानकारी दिएका छन् । सरकारले यी निर्णयहरु संक्रामक रोग ृऐनको दफा २ मा टेकेर गरेको हो ।
