काठमाडौं । सरकारले कोरोना महामारीबाट प्रभावित होटल तथा रेस्टुराँलाई कारोना अबधिभरको विद्युतको डिमाण्ड शुल्कमा शतप्रतिशत छुट दिने भएको छ ।
मन्त्रिपरिषद् बैंठकले अर्थ मन्त्रालयको प्रस्तावमा होटल उद्योगको रुपमा दर्ता भएका होटल तथा रेष्टुराँको सरकारले लकडाउन शुरु गरेको २०७६ चैत ९ गतेदेखि २०७७ भदौंसम्मको विद्युत डिमाण्ड शुल्कमा पूर्ण रुपमा छुट दिने निर्णय गरेको हो ।
यसैगरी मन्त्रिपरिषद्को बैंठकले २०७७ असोज देखि माघसम्मको डिमाण्ड शुल्कमा समेत ५० प्रतिशत छुट दिने निर्णय गरिएको सरकारका प्रवक्ता एवं संचार तथा सुचना प्रविधि मन्त्री पार्वत गुरुङले जानकारी दिए ।
तर त्यसरी छुट लिनका लागि होटल उद्योगको रुपमा सञ्चालन भई नियमित नवीकरण गरी कर विवरण पेस गरेको हुनुपर्ने छ ।
