बिजखबर संबाददाता
१२ असोज,काठमाडौं । मंगलवार नेप्से परिसुचक ९ दशमलव २१ अंकले उकालो लागेको छ । भारतले अघोषित नाकाबन्दी गरिरहेको वेलामा चीनको सर्मथनसँगै सेयर बजार उकालो लागेको हो । सो दिन सेयर बजार १ हजार १ सय ६९ दशमलव ३० अंकमा पुगेर बन्द भएको छ ।
सो दिन कारोवारमा आएका सबै समुहको परिसुचक उकालो लागेको छ । मंगलवार बीम समुहको परिसुचक सवैभन्दा बढी २७ दशमलव १७ अंकले बढेको छ ।
त्यस्तै जलविद्युत १३ दशमलव ९६ र बैंकिङ समुहको परिसुचक १२ दशमलव ४९ अंकले उकालो लागेको छ । त्यसैगरी विकास बैंक ५,होटल ३दशमलव ९ ट्रेडिङ ० दशमलव ९८ र फाइनान्स समुहको परिसुचक ० दशमलव ७२ अंकले उकालो लागेको छ ।
मंगलवार १ सय २० कम्पनी कारोवारमा आएका थिए । ७ लाख ८३ हजार कित्ता सेयरबाट ४६ करोड ४४ लाखको कारोबार भएको छ ।
