बिजखबर संबाददाता
३१ असार,काठमाडौं । आर्थिक बर्षको अन्तिम दिन बिहीबार सेयर बजार १० दशमलव ५१ अंकले बढेको छ । सो दिन बजार ९ सय ६१ दशमलव २३ अंकमा पुगेर बन्द भएको छ ।
कारोवारमा आएकामध्ये सेयर बजारमा बढी प्रभाव रहेको बैंकि«, जलविद्युत तथा बीम समुहको परिसुच बढेकोले समग्र बजारमा सकारात्मक प्रभाव परेको हो । सो दिन जलविद्युत समुहको परिसुचक सवैभन्दा बढी ८४ दशमलव ४४ अंक्ले बढेको छ ।
त्यस्तै अन्य समुहको १४ दशमलव ७९ र बैंकिङ समुहको परिसुचक ८ दशमलव ९२ अंकले उकालो लागेको छ । त्यसैगरी बीमा, विकास बैंक र फाइनान्स समुहको सूचक क्रमशः ६ दशमलव ७८, ४ दशमलव ३९ र ० दशमलव ९८ अंकले बढेको छ ।
यता उत्पादन, होटल तथा ट्रेडिङ समुहको परिसुचक भने क्रमशः १४ दशमलव ८६,४ दशमलव १७ र ३ दशमलव ५८ अंकले ओरालो लागेको छ । सो दिन १ सय ४३ कम्पनीको ६ लाख १८ हजार १० कित्ता सेयरबाट २४ करोड ७६ लाखको कारोबार भएको छ ।
