बिजखबर संबाददाता
१० जेठ,काठमाडौं । कारोबार बन्द भएको करिव १ महिना पछि सुचारु भएको सेयर बजार २८ दशमलव ३७ अंकले घटेर बन्द भएको छ ।
गत बैशाख १० गते ९ सय १९ अंकमा पुगेकोमा आइतवार ९ सय ९ दशमलव ८२ अंकमा झरेको बन्द भएको हो ।
आइतवार कारोवारमा आएका मध्ये जलविद्युत समुहको परिसुचक सवैभन्दा बढी १ सय ५१ दशमलव ७८ अंकले ओरालो लागेको छ । त्यस्तै बीमा समुहको १ सय ३८ दशमलव १४,अन्य समुहको ६४ दशमलव ६१ ले घटेको छ ।
त्यसैगरी बैंकिङ समुहको १९ दशमलव ०२, विकास बैंकको २ दशमलव ७ र फाइनान्स समुहको १ दशमलव ४६ अंकले घटेको छ । सो दिन ५ लाख ९३ हजार कित्ता सेयर किनबेचबाट ११ करोड ५३ लाखको कारोवार भएको छ ।
