काठमाडौं । सोमबार नेप्से परिसुचक २० दशमलब ५८ अंकले बढेको छ । सो दिन सेयर बजार १६ सय ४ दशमलव १५ अंकमा पुगी बन्द भएको हो ।
सोमबार कारोबारमा आएका सबै समुहको परिसुचक उकालो लाग्दा समग्र सेयर बजारमा सकारात्मक प्रभाव परेको हो ।
सो दिन बीमा समुहको परिसुचक सबैभन्दा बढी ९५ दशमलब ३५ अंकले बढेको छ । त्यस्तै विकास बैंक २९ दशमलब ५७, उत्पादन २७,होटल समुह २६ दशमलब ३९ र सेयर बजारमा बढी प्रभाव रहेको बैंकिङ समुहको परिसुचक २१ दशमलब ८३ अंकले बढेको छ । त्यस्तै जलविद्युत, फाइनान्स र अन्य समुहको परिसुचक क्रमशः ९ दशमलब १८, ५ दशमलब २३ र १ दशमलब १६ अंकले बढेको छ ।
सोमबार १ सय ५४ ओटा कम्पनी कारोबारमा आएका थिए । ती कम्पनीको २० लाख कित्ता सेयरबाट ६९ करोड ४३ लाख रुपैयाँ बराबरको कारोबार भएको छ ।
