काठमाडौं । सोमबार नेप्से परिसुचक ८ दशमलव ३२ अंकले उकालो लागेको छ । सो दिन सेयर बजार १६ सय ३७ दशमलव ३० अंकमा पुगेर बन्द भएको छ ।
सोमबार कारोवारमा आएका अधिकांश समुह उकालो लाग्दा समग्र सेयर बजारमा सकारात्मक प्रभाव देखिएको हो । सो दिन होटल समुहको परिसुचक सवैभन्दा बढी ६१ दशमलव ३२ अंकले बढेको छ । त्यस्तै बीमा समुह ३८ दशमलव १७, जलविद्युत १२, विकास बैंक ११ दशमलव ७ बैंकिङ समुह ७ दशमलव ७१ अंकले बढेको छ ।
त्यसैगरी फाइनान्स समुहको परिसुचक ५ दशमलव ३९ अंकले बृद्धि भएको छ । यता अन्य समुहको परिसुचक भने ० दशमलव ८७ अंकले ओरालो लागेको छ ।
सोमबार नेपाल एसविआई बैंक बैंक लिमिटेडको सवैभन्दा बढी ८ करोड ४४ लाख बराबरको कारोबार भएको छ । सो दिन १ सय ४२ कम्पनीको ९ लाख २२ हजार कित्ता सेयर किनबेच भएको छ । जसबाट ५७ करोड २५ लाखको कारोवार भएको छ ।
