काठमाडौं । अमेरिकी सेयर बजार एस एन्ड पी ५०० सूचकांक आफ्नो उच्चतम स्तरबाट ८% ले घटेको छ । डोनाल्ड ट्रम्पको ट्यारिफ नीतिलाई पनि यसको कारण मानिएको छ । यद्यपि, ट्रम्प प्रशासनले यसलाई गम्भीरतापूर्वक लिएको छैन । यहाँ ट्रम्पको नीतिका कारण उत्पन्न हुनसक्ने पाँचवटा विषयमा चर्चा गरिएको छ ।

सेयर बजारमा उच्च गिरावट

अमेरिकी सेयर बजारमा आम जनताले ३८ ट्रिलियन डलर लगानी गरेका छन् । हालैको गिरावटले लगानीकर्तालाई ४.८ ट्रिलियन रुपैयाँको घाटा भएको छ । जब सेयर बजार घट्छ, लगानीको मूल्य घट्छ र मानिसहरूले खर्च पनि कम गर्छन् । यसले बजारमा थप दबाब सिर्जना गर्छ ।

जोखिम बढयो

अमेरिकामा मार्जिन लोन अर्थात् पैसा सापटी लिएर सेयर किन्ने प्रवृत्ति बढेको छ । गत वर्ष एउटा प्रमुख ब्रोकरेज फर्मले आफ्ना ग्राहकहरूलाई ५४ अर्ब डलरको मार्जिन ऋण दिएको थियो । अहिले त्यस्ता लगानीकर्ताहरूको लागि जोखिम बढेको छ ।

विश्वासमा गिरावट

मिशिगन विश्वविद्यालयको सर्वेक्षण अनुसार मार्चको पहिलो दुई हप्तामा सेयर बजारमा लगानीकर्ताहरूको विश्वास सबैभन्दा कम स्तरमा थियो । किनभने ट्रम्प प्रशासन यो गिरावटको बारेमा चिन्तित देखिँदैन र यसलाई सामान्य सुधार मानिरहेको छ । यसले बजारमा अनिश्चितता बढाएको छ । मानिसहरूलाई लाग्छ कि ट्रम्पको नीति भविष्यमा पनि उस्तै रहनेछ ।

राजनीतिक रस्साकस्सी

सबैभन्दा धनी २०% अमेरिकीहरूसँग सेयर बजारको ८७% सम्पत्ति छ । यो वर्ग ट्रम्पको विपक्षी डेमोक्रेटिक पार्टीको समर्थक मानिन्छ । धेरै मानिसहरू विश्वास गर्छन् कि यही कारणले डोनाल्ड ट्रम्पले सेयर बजारमा आएको गिरावटलाई धेरै ध्यान दिइरहेका छैनन् ।

खर्च गर्ने प्रवृत्ति

सन् २०१९ देखि, अमेरिकाका शीर्ष २०% धनी व्यक्तिहरूको खर्च ५०% ले बढेको छ, जसको अर्थ यी व्यक्तिहरूले बजारमा जीवन्तता बढाएका छन् । यदि सेयर बजार निरन्तर घटिरह्यो भने, उनीहरूको खर्च घट्न सक्छ । यसले अर्थतन्त्रमा नकारात्मक असर पार्नेछ ।