काठमाडौं । गार्डियन माइक्रो लाइफ इन्स्योरेन्स लिमिटेडको आईपीओ बाँडफाँट सम्पन्न भएको छ । बिक्री प्रबन्धक कुमारी क्यापिटलले कम्पनीको आईपीओ आज बिहान बाँडफाँट गरेको हो ।
कम्पनीको आईपीओमा कुल १८ लाख ३० हजार ८५७ आवेदकले २ करोड ३२ लाख २ हजार ५४० कित्ता सेयर खरिदका लागि आवेदन दिएको क्यापिटलले जनाएको छ ।
कुल आवेदनमध्ये ८ हजार ४५२ जनाको आवेदन रद्द भएको छ भने बाँकी १ लाख ८४ हजार ५०० जना सर्वसाधारणले १० कित्ताका दरले सेयर पाएका छन् ।
कम्पनीले पुस २१ गतेदेखि पुस २४ गतेसम्म सर्वसाधरणका लागि आईपीओ निष्काशन गरेको थियो । कम्पनीले प्रतिकित्ता १०० रुपैयाँका दरमा १८ करोड ४५ लाख रुपैयाँ बराबरको १८ लाख ४५ हजार कित्ता सेयर निष्काशन गरेको थियो ।
