काठमाडौं । अधिकांश समुह ओरालो लाग्दा साताको पहिलो दिन आइतवार सेयर बजारमा नकारात्मक प्रभाव देखिएको छ । सो दिन बजार खुलेदेखि ओरालो लागेको नेप्से २१ दशमलव ८८ अंकले घटेको हो ।
सेयर बजार १ हजार ५ सय २२ दशमलव ८० अंकमा झरेर बन्द भएको छ ।
आइतवार धेरै अंकले ओरालो लाग्नेमा वीमा समुह,जलविद्युत र होटल समूह् रहेका छन् । यी समुहको परिसुचक क्रमशः १ सय ४७,७३ दशमलव ६ र ६९ दशमलव १३ अंकले ओरालो लागेका छन् ।
त्यस्तै विकाश बैंक २३ दशमलव ९८,बैंकिङ १८ दशमलव २९, फाइनान्स ११ दशमलव ८४ र अन्य समुह २ दशमलव ६१ अंकले घटेको छ । यता उत्पादन समुह भने ११ दशमलव ७ अंकले उकालो लागेको छ ।
१ सय ४१ ओटा कम्पनी कारोवारमा आएका थिए । ६ लाख ९३ हजार कित्ता सेयरबाट ४० करोडको कारोवार भएको छ ।
