काठमाडौं । साताको पहिलो दिन आइतवार बजार खुलेसँगै सर्किट व्रेक लागेको नेप्से ६४ दशमलव ५५ अंकले ओरालो लागेको छ । पौने घण्टा सर्किट ब्रेक लागेको बजार १ हजार ४ सय ६९ दशमलव ४८ अंकमा झरेर बन्द भएको हो ।
आइतवार कारोवारमा आएका सवै समूह ओरालो लागेको छ । सो दिन बीमा समूह सवैभन्दा बढी ५ सय ६२ दशमलव ९४ अंकले घटेको छ । त्यस्तै होटल १ सय ४६,जलविद्युत १ सय ४ दशमलव २९,विकास बैंक ६५ दशमलव ७७ र सेयर बजारमा सबैभन्दा बढी प्रभाव रहने बैंक समूह ५२ दशमलव ५४ अंकले घटेको छ ।
त्यस्तै फाइनान्स र अन्य समुह क्रमशः २६ दशमलव ७ र १९ अंकले ओरालो लागेको छ । आइतवार एभरेष्ट बैंकको कारोवार ११ करोड १२ लाखको भएको छ । सो दिन १ सय २८ कम्पनी कारोवारमा आएका थिए ।
ती कम्पनीको १४ लाख ५९ हजार कित्ता सेयरबाट ९५ करोड ६० लाखको कारोवार भएको छ ।
