काठमाडौं । अमेरिकामा बैंकिङ संकटले फेरि एकपटक शिर उठाउन थालेको छ । एआई सम्बन्धित स्टकमा धेरै वृद्धि देखिए पनि बैंकिङ स्टकमा गिरावट आएको छ । गत वर्ष सिग्नेचर बैंक खरिद गरेको न्यूयोर्क कम्युनिटी बैंकको अवस्था दिनप्रतिदिन नाजुक बन्दै गएको छ । यसको शेयर सोमबार २३ प्रतिशत भन्दा बढी घटेर २.७३ डलर मा बन्द भयो । यो सन् १९९६ यताकै न्यून स्तर हो ।
यस बैंकको सम्पत्ति १०० अर्ब डलरभन्दा बढी छ र अमेरिकाभर यसका सयौं शाखाहरू छन् । बैंकले चौथो त्रैमासिकमा २६० मिलियन डलर घाटा बेहोरेको छ र यसको लाभांशको ७०% कटौती गरेको छ । न्यूयोर्क कम्युनिटी बैंकको शेयरमा आएको गिरावटको असर अन्य बैंकमा पनि देखिएको छ । भ्याली नेसनल बैंकको सेयर मूल्य ५.६ प्रतिशतले घटेको छ । साथै, केबीडब्लु क्षेत्रीय बैंकिङ सूचकांक पनि ०.७ प्रतिशतको गिरावटसंगै बन्द भएको थियो ।
बैंकले भर्खरै आफ्नो प्रणालीमा भौतिक कमजोरीहरू पहिचान गरेको बताएको छ । यी कारणहरूले गर्दा, शेयरनीहरूले पछिल्लो त्रैमासिकमा २.४ बिलियन डलर घाटा बेहोरेका छन् । लगातार ओरालो लाग्दा बैंकको शेयर मूल्य अहिले कौडीको भाउमा पुगेको छ । बैंकिङ सेयर घट्दा लगानीकर्ताहरूले सेयर बेच्ने क्रम ह्वात्तै बढिरहेका छन् । बैंक टर्म फण्डिङ कार्यक्रम केहि दिनमा समाप्त हुँदैछ । यसले लगानीकर्तामा त्रास फैलाएको छ र बैंक धरासायी हुने सम्भावना बढेको छ । यद्यपि ६० प्रतिशत सम्पत्ति एफडिआइसी बीमाद्वारा कभर गरिएको छ । करिब एक वर्षअघि अमेरिकाका धेरै ठूला बैंकहरू टाट पल्टेका थिए ।
गत वर्ष अमेरिकामा दुईवटा बैंक ध्वस्त भएका थिए र एउटा धरासायी बन्ने अवस्थामा थियो । सन् २००८ पछि सम्पत्तिको आधारमा अमेरिकामा यो सबैभन्दा ठूलो बैंकिङ संकट थियो । सन् २००८ मा अमेरिकामा २५ वटा बैंकहरु ध्वस्त भए जसको संयुक्त सम्पत्ति ३७४ बिलियन डलर थियो ।
गतवर्ष सिलिकन भ्याली बैंक र सिग्नेचर बैंक (जसको संयुक्त सम्पत्ति ३१९ बिलियन डलर थियो) पतन भएका थिए । यसै क्रममा फस्ट रिपब्लिक बैंक पनि धरासायी बन्दै गएको थियो । अमेरिकी बैंकहरूले सन् २०२२ मा ६२० अर्ब डलर घाटा बेहोरेका छन् । यूएस फेडरल रिजर्भले मुद्रास्फीति नियन्त्रण गर्न जसरी ब्याजदर बढाएको थियो, त्यसले बैंकहरूको अवस्था नाजुक भएको थियो । अनुवाद
