जनवरी १ मा विश्वका अधिकांश शेयर बजार बन्द थिए । मंगलबार खुलेका विश्वभरका शेयर बजारमा गिरावट आयो र जसका कारण विश्वका शीर्ष १० धनीमध्ये नौ जनाको नेटवर्थ घट्यो । बर्नार्ड अर्नाल्टले सबैभन्दा बढी घाटा बेहोरे भने गौतम अडानीले सबैभन्दा बढी कमाए ।

काठमाडौं । नयाँ वर्षको अवसरमा जनवरी १ मा विश्वभरका अधिकांश शेयर बजारहरू बन्द रहेका थिए । पुस २ गते बजार खुल्दा सेयर बजारमा भारी गिरावट देखिएको थियो । जसका कारण वर्षको पहिलो व्यापारिक दिनमा विश्वका धनी व्यक्तिको सूचीमा पनि उथलपुथल भयो र विश्वका शीर्ष १० धनीमध्ये नौ जनाको नेटवर्थ घट्यो ।

सेयर बजारमा गिरावटका कारण फ्रान्सेली व्यापारी बर्नार्ड अर्नाल्टले सबैभन्दा बढी घाटा बेहोरे । उनको कुल सम्पत्ति ६.११ बिलियनले घट्यो र उनी विश्वका धनी व्यक्तिहरूको सूचीमा दोस्रोबाट तेस्रो स्थानमा झरे । शीर्ष १० रहेका मध्ये केवल वारेन बफेटमात्र लाभान्वित भए, जबकि समगमा्र गौतम अडानीको नेटवर्थमा सबैभन्दा ठूलो उछाल देखियो ।

भारतीय सेयर बजारमा गिरावट आए पनि मंगलबार अडानी समूहका अधिकांश शेयरमा उछाल रह्यो । ब्लूमबर्ग बिलियनेर्स इन्डेक्सका अनुसार अडानीको कुल सम्पत्ति १.६३ बिलियन डलरले बढेर ८५.९ बिलियन डलर पुगेको छ । मंगलबार अडानीका कम्पनी सबैभन्दा बढी कमाइ गर्ने कम्पनी बने । उनी विश्वका धनी व्यक्तिको सूचीमा १५ औं स्थानमा छन् । यद्यपि, गत वर्ष उनको कुल सम्पत्ति सबैभन्दा धेरै घटेको थियो र उनी शीर्ष २० मा एक मात्र धनी व्यक्ति थिए जसले आफ्नो कुल सम्पत्ति गुमाए । उनको कुल सम्पत्ति ३६.२ बिलियन डलरले घटेको थियो । तर नयाँ वषले उनका लागि खुसी ल्यायो ।

को को छन् शीर्ष १० मा

मंगलबार, अमेरिकाका दिग्गज लगानीकर्ता वारेन बफेट शीर्ष १० मा एक मात्र कमाई गर्ने अर्बपति थिए । उनको कुल सम्पत्ति १.५६ बिलियन डलरले बढ्यो । संसारका सबैभन्दा धनी व्यक्ति एलन मस्कले वर्षको पहिलो व्यापारिक दिनमा १.८५ बिलियन डलर गुमाए । उनको कुल सम्पत्ति अहिले २२७ बिलियन डलर छ । फ्रान्सेली अर्बपति अर्नाल्टको नेटवर्थ ६.११ बिलियन डलरले घटेको छ र उनी १७३ बिलियन डलरको कुल सम्पत्तिका साथ तेस्रो स्थानमा झरेका छन् । अमेजनका जेफ बेजोस १ सय ७५ अर्ब डलरको सम्पत्तिका साथ फेरि दोस्रो स्थानमा पुगेका छन् ।

यस सूचीमा बिल गेट्स (१४० अर्ब डलर) चौथो, स्टिभ बाल्मर (१२९ बिलियन डलर) पाँचौं, मार्क जुकरबर्ग (१२५ बिलियन डलर) छैटौं, ल्यारी पेज (१२५ बिलियन डलर) सातौं, ल्यारी एलिसन (१२२ बिलियन डलर) आठौं, वारेन बफेट (१२१ बिलियन डलर) र सेर्गेई ब्रिन (११९ बिलियन डलर) दशौं स्थानमा छन् । भारत र एसियाका सबैभन्दा धनी व्यक्ति मुकेश अम्बानीको कुल सम्पत्ति मंगलबार ८६ करोड ७० लाख डलरले बढेर ९७.२ अर्ब डलर पुगेको छ । भारतको सबैभन्दा मूल्यवान कम्पनी रिलायन्स इन्डस्ट्रिजका अध्यक्ष अम्बानी विश्वका धनीहरुको सूचीमा १३ औं स्थानमा छन् । अनुवाद गरिएको