काठमाडौं । सेयर लगानीकर्ताले अर्थमन्त्रीसँग भेट गरेका छन् । नेपाल उद्योग वाणिज्य महासंघ, पुँजीबजार फोरमका अध्यक्ष अम्बिकाप्रसाद पौडेलको नेतृत्वमा गएको टोलीले सोमबार बिहान अर्थमन्त्री डा प्रकाशशरण महतसँग भेट गरेको हो ।
भेटका लागि अध्यक्ष पौडेलसँगै ब्रोकर संघ, मर्चेन्ट बैंकर तथा अन्य लगानीकर्ता पनि भेटमा सहभागी थिए । सो भेटमा तत्कालका लागि शेयर लगानीकर्ताको मनोबल उकास्न आवश्यक पहलकदमी लिने प्रतिबद्धता जनाएका छन् ।
छलफलमा अर्थमन्त्री महतले सल्लाह सुझाव लिएर अगाडि बढ्ने बताउँदै आगामी दिनमा संवादलाई निरन्तरता दिने पनि बताएका छन् ।
