काठमाडौं । मंगलवार नेप्से परिसुचक २ दशमलव ५२ अंकले ओरालो लागेको छ । सो दिन सेयर बजार १ हजार ४ सय ७१ दशमलव ५९ अंकमा झरेर बन्द भएको हो ।
मंगलवार कारोवारमा आएका अधिकांश समुहको परिसुचक ओरालो लाग्दा समग्र सेयर बजारमा नकारात्मक प्रभाव परेको हो । सो दिन बीमा समुहको परिसुचक ६० दशमलव ५६ अंकले ओरालो लागेको छ ।
त्यस्तै विकास बैंक ७ दशमलव २३,अन्य १ दशमलव १८ र बैंक तथा फाइनान्स समुह क्रमशः ० दशमलव ८६ र ० दशमलव १६ अंकले घटेको छ ।
यता उत्पादन,होटल र जलविद्युत समुहको परिसुचक क्रमशः ३३ दशमलव ७३, १६ दशमलव २६ र २ दशमलव ९४ अंकले बढेको छ । सो दिन १ सय ३३ कम्पनी कारोवारमा आएका थिए । ति कम्पनीको २३ लाख २६ हजार कित्ता सेयरबाट ९६ करोड ८२ लाखको कारोवार भएको छ ।
