काठमाडौँ । एनआईसी एसिया बैंकको प्रवर्द्धनमा एनआईसी एसिया क्यापिटलले सामुहिक लगानी कोष(म्युचुल फण्ड)का इकाईहरुको प्राथमिक निश्काशन (आईपीओ) जारी गरी बिक्री खुला गर्ने भएको छ ।
‘फ्लेक्सी क्याप फण्ड’ नाम दिइएको उक्त फण्डका इकाइहरुको बिक्री खुला १९ जेठदेखि गर्ने एनआईसी एसिया क्यापिटलले जनाएको छ ।
प्रतिइकाई मूल्य १० रुपैयाँ अंकित दर रहने उक्त फण्ड १० करोड इकाईको बिक्री खुला गर्ने व्यवस्थापक एनआईसी एसिया क्यापिटलले जनाएको हो ।
यस मध्ये बीजपूँजी वापत न्यूनतम १ करोड ५० लाख इकाई कोष प्रबर्द्धक एनआईसी एशिया बैंक लिमिटेडलाई सुरक्षित राखिने र बाँकी न्युनतम ८ करोड ५० लाख इकाई २४ गतेसम्म खुला गरिने जनाएको छ ।
बैंकका अनुसार एनआईसी एशिया क्यापिटल योजना व्यवस्थापक रहेको यो कोषको अवधि ७ वर्षको हुने जनाएको छ । उक्त फण्डका न्युनतम १०० देखि अधकितम १ करोड इकाइसम्म खरिदका लागि आवेदन दिन सकिने छ । ७ वर्षे याे बन्दमुखी याेजनामा गरिएकाे लगानी र प्रतिफल सबै ७ वर्षपछि लगानीकर्ताले फिर्ता पाइसक्ने छन् ।
