काठमाडौं । रुस र युक्रेनबीच चलिरहेको युद्धले विश्व बजारमा डर पैदा गरेको छ । जसका कारण लगानीकर्ताहरु निकै मारमा परेका छन् । यसको प्रभाव अहिले चिनियाँ बजारमा पनि प्रष्ट देखिन थालेको छ ।
ब्लुमबर्ग बिलियनेर्स इन्डेक्समा बोतलबंद पानीको राजा भनेर चिनिने झोङ शान्सनको सम्पत्ति सोमबार ५ अर्ब डलरले घटेको छ । त्यस्तै, टेन्सेन्ट होल्डिङ लिमिटेडका पोनी माले ३ अर्ब ३ करोड डलर घाटा बेहोरेका छन् ।
झोङ शान्सनको कम्पनी नोङफु स्प्रिङ कम्पनीको सोयर मूल्य हङकङको शेयर कारोबारमा ९.९ प्रतिशतले घट्यो। यो पछिल्लो १८ महिनामा कम्पनीको सबैभन्दा ठूलो गिरावट हो । यसका बाबजुद पनि झोङ शानशान ६०.३ बिलियन डलरको सम्पत्तिका साथ सबैभन्दा धनी व्यक्तिको सूचीमा छन् ।
यस्तै अर्को कम्पनी टेनसेन्टको एक रिपोर्टमा मनी लान्ड्रिंग प्रकाशमा आएपछि सन २०११ यता सबैभन्दा ठूलो गिरावट देखिएको छ । कुनै समय चीनको सबैभन्दा धनी व्यक्ति पोनी मा अहिले ३५.२ बिलियन डलरको कुल सम्पत्तिका साथ तेस्रो नम्बरमा झरेका छन् ।
चिनियाँ बजारमा उथलपुथल हुनुको कारण के हो ?
पछिल्लो समय चिनियाँ बजारमा गिरावट देखिएको छ । सोमबार युक्रेनमा युक्रेन युद्धमा रुसले बेइजिङलाई सहयोग मागेको अमेरिकी अधिकारीहरूले बताएपछि यस्तो भएको हो ।
अहिले विश्वका धेरै देशले रुसमाथि विभिन्न प्रतिबन्ध लगाएका छन् । यही कारणले गर्दा चिनियाँ बजारलाई बेइजिङले रुसलाई सहयोग गर्छ भने उनीहरुलाई पनि प्रतिबन्ध लगाउने डर छ । यही आशंका र डरका कारण चिनियाँ बजारमा ठूलो गिरावट आएको छ ।
बजार ओरालो लाग्दा विश्वका सबैभन्दा धनी ५०० व्यक्तिमध्ये चीनका ७६ जनाले २२८ अर्ब डलरको सम्पत्ति गुमाएका छन् । योसँगै कुनै समय चीनका सबैभन्दा धनी व्यक्ति भएका ज्याक मा अहिले देशका धनी व्यक्तिको सूचीमा चौथो नम्बरमा झरेका छन् । उनको स्थान पोनी माले लिएका छन् । ज्याक माको कुल सम्पत्ति ३४ बिलियन डलर छ। अनुवाद गरिएको
