काठमाडौं । मंगलवार नेप्से परिसुचक २ अंकले उकालो लागेको छ । सो दिन सेयर बजार १ हजार २ सय ४० अंकमा पुगेर बन्द भएको छ ।
मंगलवार कारोवारमा आएका अधिकांश समुहको परिसुचक उकालो लागेकोले समग्र सेयर बजारमा सकारात्मक प्रभाव परेको हो । सो दिन विकास बैंक समुहको परिसुचक सबैभन्दा बढी ५ अंकले बढेको छ ।
त्यस्तै अन्य ४ दशमलव ७, जलविद्युत ४ दशमलव ६२, फाइनान्स १ दशमलव ९७ र बैंक समुहको परिसुचक १ दशमलव ४४ अंकले बढेको छ । यता होटल तथा बीमा समुहको परिसुचक भने क्रमशः १६ र २ दशमलव ६९ अंकले ओरालो लागेको छ ।
मंगलवार १ सय ११ ओटा कम्पनी कारोबारमा आएका थिए । ति कम्पनीका १० लाख कित्ता सेयरबाट ५६ करोडको कारोवार भएको छ ।
