काठमाडौं । विश्वकै चचिर्चत फुटबल खेलाडी क्रिस्टियानो रोनाल्डोे म्यानचेस्टर युनाइटेडमा फर्कने पक्क भएसँगै क्लबको शेयर बजार मूल्यले रकेटको गति समाएको छ ।
रोनाल्डोको युनाइटेडमा फिर्ती पक्का भएसँगै शुक्रबार एकै पटक क्लबको सेयर मूल्य २१२ मिलियन पाउण्ड (२९३ मिलियन डलर) ले बढेको छ ।
बिहीबार रोनाल्डोले म्यानचेस्टर सिटीका लागि सम्झौता गर्न लागेको खबरहहरुबीच एकैपटक रोनाल्डो आफ्नो पूर्व क्लब फर्कने सम्झौता भएको म्यानचेस्टर युनाइटेडले घोषणा गरेका थियो । जब रोनाल्डो फर्कने युनाइटेडको सामाजिक सञ्जालमा घोषणा भयो त्यसपछि क्लबको शेयर एकै झट्कामा ९.८ प्रतिशते बढ्यो ।
शुक्रबार बिहान बजार खुल्दा युनाइटेडको शेयर मूल्य १७.३८ डलर थियो तर, रोनाल्डो फर्कने खबर पुष्टि भएसँग सेयर मूल्य चाँडै नै १९.ढ सम्म पुग्यो । यसको मतलब क्लबको समग्र बजार मूल्य २९३ मिलियन डलर बढ्यो । त्यसयता अहिले पनि क्लबको सेयर मूल्यमा ६ प्रतिशतको वृद्धि कायम छ ।
सेयर बजारमा ‘रोनाल्डो इफेक्ट’
सेयर बजारमा ‘रोनाल्डो इफेक्ट’ चर्चायोग्य रहने गरेको छ । रोनाल्डोले यसअघि रियल म्याड्रिड छाडेर युभेन्ट जाने सम्झौता गरेसँगै युभेन्टसको सेयर मूल्यमा उछाल आएको थियो रोनाल्डोले युरोकपको पत्रकार सम्मेलनमा कोका कोलाको बोतल हटाएसँगै त्यसको असर युरोपको सेयर बजारमा देखिएको थियो । सो घटनापछि कोकले सेयर बजारमा ४ बिलियन डलर बजार मुल्य गुमाएको थियो ।
हंगेरीको खेलअघि भएको पत्रकार सम्मेलनमा बोल्नुअघि रोनाल्डोले कोकको बोतल हटाएर पानीको बोतल देखाउदै पानी पिउनु ठिक भएको बताएका थिए । रोनाल्डोको यस सानो कदमले कोकलाई भने ठूलो असर गरेको थियो ।
सो घटनाअघि कोकको सेयर मुल्य युरोपमा ५६.१ डलर रहेकोमा पत्रकार सम्मेलन सकिने बेलासम्म घटेर ५५.२ डलर पुगेको थियो । सेयर बजारमा कोकले १.६ प्रतिशत गुमाएपछि कुल बजार मुल्य ४ बिलियन डलर गुमाएको थियो ।
