काठमाडौं । नेपालको लागि टाटा मोटर्सको आधिकारिक वितरक सिप्रदी ट्रेडिङ प्रालीले आफ्नो सर्भिस सेन्टरहरुबाट आकस्मिक सेवा दिइरहेको छ ।
कोरोना भाइरस (कोभिड १९) सङ्क्रमणको जोखिम कम गर्न देशभरि लकडाउनको अवस्थामा अत्यावश्यक क्षेत्रका टाटाका गाडीलाई आवश्यक सेवा गर्न सिप्रदी निरन्तर लागेको हो ।
दैनिक आवश्यकताहरु पूरा गर्न सधैँ यात्रा गरिरहेका सबै गाडी र चालकहरुलाई सहयोग होस् भनेर गाडीसम्बन्धी आवश्यक परामर्श वा सेवा दिइरहेको कम्पनीले जनाएको छ । यस्तै सिप्रदीले आफ्ना ग्राहकलाई सुरक्षित रहन र सावधान रहन पनि आग्रह गरेको छ ।
कम्पनीका अनुसार यो आपतकालीन परिस्थितिमा सिप्रदीका ग्राहकले आपत्कालीन सेवाहरू पाउने छन् । गाडीसम्बन्धी कुनै पनि सहयोग चाहिएमा सिप्रदीको टोल फ्री नम्बर १६६००१५५७७७ र ९८०१५७५७७७ मा फोन गर्न सकिन्छ साथै विभिन्न ठाउँमा सिप्रदीका २५ वटा सर्भिस सेन्टरहरुबाट आपतकालीन सेवा लिन सकिने व्यवस्था गरेको कम्पनीले जानकारी दिएको छ ।
