काठमाडाैं । टीभीएस मोटर कम्पनीद्वारा बैंगलोरमा आयोजित अन्तर्राष्ट्रियस्तरको स्किल फेस्ट एसिया–२०२५ का लागि नेपालबाट टप ५ प्रतिस्पर्धी छनोट भएका छन्।
टिभिएस नेपालले नेपालभर नै जनावरी २३ देखि २७ सम्म ‘टिभिएस नेपालको बादशाह’ नामको कार्यक्रम आयोजना गरेको थियो। कार्यक्रमबाट उत्कृष्ट ३० जना टेक्निसियनबाट थ्योरिटिकल र प्राक्टिकल टेस्टको प्रतिपर्धा गराई ५ जना प्रतिस्पर्धी छनोट गरिएको हो।
टिभिएस नेपालको मार्फत् आर.डी अटो ट्रेडका राकेश नगाखुसी, गण्डकी मोटर्सका सुरेश गुरुङ र बाईक मार्ट नेपाल प्रा.लि.का सजन रायमाझीलाई प्रतिस्पर्धाका लागि सहभागी हुनेछन्। साथै महालक्ष्मी इन्टरप्राईजेजका सनम महतो र जगदम्बा इन्टरप्राईजेजका सजन महर्जन पनि प्रतिस्पर्धामा जानेछन्।
टिभिएस नेपालले विगतको वर्षमा पनि स्कील फेस्ट यसियामा सहभागिता जनाउँदै आएको छ। अघिल्लो वर्ष टिभिएस नेपालले दास्रो स्थान हासिल गर्न सफल भएको थियो।
