काठमाडौं । नेपालमा यो वर्षको चाडपर्वको अफर अर्थात फेष्टिभ सिजन शुरु भएको छ । यो अवसरमा धेरैले आफ्नो घरमा नयाँ सवारी पनि भित्र्याउने गर्छन । दशैं तिहारको मौसममा छुट र उपहार पाउने भएकाले धेरैले नयाँ कार किन्ने गर्छन । कार किन्नको लागि तपाईं कार डिलरको जानुहुन्छ् र कार जाँच गर्नुहुन्छ । यदि तपाईंलाई कार मन पर्यो भने, तपाईंले आफ्नो सम्झौतालाई अन्तिम रूप दिनुहुन्छ ।
त्यसपछि फाइनान्समा लिने भए बैंकबाट ऋण लिने प्रक्रिया सुरु हुन्छ । यतिबेला कारको टेस्ट ड्राइभिङ पनि गर्नुहुन्छ । तपाईं पूर्ण रूपमा सन्तुष्ट भएपछि मात्र कारको डेलिभरी लिनुहुन्छ । यो सम्पूर्ण प्रक्रियामा तपाई पनि अलिकति होसियार हुनुपर्छ । आज हामी तपाईलाई नयाँ कार किन्नुअघि कारोबार गर्दा के–के कुरा कुरामा ध्यान पुर्याउनुपर्छ भन्नेबारे जानकारी दिदैछौं ।

१. टेस्ट ड्राइभिङ बिना कार फाइनल नगर्नुहोस

यदि तपाईंले कार किन्ने मन बनाउनुभएको छ भने, सम्झौतालाई अन्तिम रूप दिनुअघि निश्चित रूपमा टेस्ट ड्राइभ लिनुहोस । याद गर्नुहोस् कि टेस्ट ड्राइभ तपाईले किन्ने कारको हुनुपर्छ । कारका सबै सुविधाहरू पहिले नै अनुसन्धान गर्नुहोस । तपाईलाई बताइएका सुविधाहरू कारमा छन् वा छैनन् जाँच गर्नुहोस् ।

२. मूल्यबारे पूर्ण जानकारी लिनुहोस

यदि बिक्रेताले डिलिङको समयमा गाडीको मूल्य बढाउने कुरा गरिरहेका छन् भने बेलैमा सचेत हुन जरुरी छ । यस्तो अवस्थामा तपाई शोरुमबाट बाहिर निस्कनु राम्रो हुन्छ । सबैभन्दा कम मूल्यमा कार प्राप्त गर्नका लागि फरक–फरक डिलरहरुसँग मूल्यसूची लिनुहोस, अनुमानित डिलर लागत तथ्यांकहरू प्राप्त गर्नुहोस्, ताकि तपाईं शोरूममा आफुले चाहेको मूल्यमा अन्तिम सम्झौता गर्न सक्नुहुन्छ । मानौं कि र तपाई ग्राहक हुनुहुन्छ र तपाईले कार किन्नैपर्छ भन्ने खालको कसैको दबाबमा निर्णय नगर्नुहोस ।

३. खुलेर कुरा गर्नुहोस

कार किन्न जानुभन्दा पहिले राम्रो अनुसन्धान गर्नुहोस्, ताकि जब तपाईले सेल्सम्यानसँग कुरा गर्नुहुन्छ । उसले तपाईलाई कारका सम्बन्धमा जानकार भएको महसुस गरोस । यसबाट तपाई हरेक विषयमा खुलेर कुरा गर्न सक्नुहुनेछ । तपाईले प्रत्येक मोडेल र यसको सुविधाहरूको बारेमा विस्तृत रूपमा जान्नुपर्दछ । यति मात्र होइन, यदि सम्भव छ भने, तिनीहरू बीचको भिन्नताको गणितलाई राम्ररी बुझ्नुहोस् । यसले तपाईंको व्यवहारलाई सजिलो बनाउनेछ ।

४. आवश्यकता अनुसारका सामान किन्नुहोस

तपाईंको बजेट सीमित छ भने अनावश्यक सामानहरूमा खर्च नगर्नुहोस । तपाईंको लक्ष्य कारमा मात्र हुनुपर्छ । याद गर्नुहोस् कि कोरोजन प्राटेक्सन, पेन्ट सिलेन्ट, फेब्रिक प्रोटेक्सनजस्ता चीजहरू पछि पनि गर्न सकिन्छ । जे भएपनि, तिनीहरू धेरै आवश्यक हुँदैनन् । याद गर्नुहोस् कि डिलरले यी चीजहरूको बारेमा तपाईलाई विश्वस्त पार्न सक्दो प्रयास गर्नेछ किनकि यो उसको जागिरको अंश हो । तर, यी कुरामा ध्यान राख्नसके तपाईले सबैभन्दा कम मूल्यमा कार किन्न सक्नुहुन्छ । पछि तपाईले यी चीजहरू शोरूम बाहिर पनि राख्न सक्नुहुन्छ । कि तपाईंले यी चीज बाहिर कम मूल्यमा पाउन सक्नुहुन्छ ।

५. क्रेडिट कार्ड द्वारा भुक्तानी गर्नुहोस्

यदि तपाईंको कार डिलरले डेलिभरी अघि व्यापार बन्द गर्छ भने, तपाईंले कार्ड जारी गर्ने कम्पनीबाट भुक्तानीलाई चुनौती दिन सक्नुहुन्छ । डिलरले ऋण आवेदनमा तपाईंको आय वा डाउन पेमेन्ट साइजसँग सम्बन्धित जानकारीसँग छेडछाड गर्न सक्छ । यो आशंका राख्दै क्रेडिट कार्ड मार्फत मात्र भुक्तानी गर्नुहोस् ।

६. वित्तीय प्रक्रिया पूरा गर्नुहोस्

आफ्नो पूर्ण जिम्मेवारी पूरा गरेपछि मात्र आफूलाई कारको मालिक ठान्नुपर्छ । आर्थिक प्रक्रिया पूरा नभएसम्म कार नचलाउनुहोस । तपाईं पूर्ण रूपमा सन्तुष्ट भएपछि मात्र कारको डेलिभरी लिनुहोस । याद गर्नुहोस् कि एकपटक तपाईंले डेलिभरी लिनुभएपछि कारको सम्पूर्ण जिम्मेवारी तपाईंकै हुन्छ किनकि तपाईं कार मालिक बन्नुहुनेछ । त्यसैले यहाँ विशेष सावधानी अपनाउनु जरुरी छ । यसका साथै कार खरिद गरेपछि सम्बन्धित सबै खर्चको बारेमा पनि सचेत रहनुहोस् । जब तपाई कार किन्ने योजनामा हुनुहुन्छ, तपाईले बीमा कम्पनीहरूको नीतिहरूको बारेमा उचित जानकारी लिनुपर्छ । यसबाट तपाईलाई फाइदा हुनेछ ।

७. प्रत्यक्ष उपस्थित भएर सम्झौता गर्नुहोस

यो प्रविधिको युग हो । कम्पनीहरूले मेलमार्फत कार किन्न र सम्झौता गर्न पनि प्रस्ताव गर्छन । त्यसैले यहाँ सावधान रहनुहोस । प्रत्यक्ष मेलमार्फत कहिल्यै कार नकिन्नुहोस वा सम्झौता नगर्नुहोस । डिलरमा रहेका व्यक्तिहरु तपाईलाई विभिन्न ढंगले मख्ख पार्न निपूर्ण हुन्छन । तिनीहरूको काम डिलरको नाफा बढाउनु हो । तिनीहरू यस कलामा पूर्णरूपमा निपुर्ण हुन्छन् र आफ्नो काम राम्रोसँग गर्छन् । त्यसकारण तपाईं आमनेसामने भएरै सम्झौता गर्नुहोस् । विभिन्न अन्तराष्ट्रिय माध्यमको सहयोगमा