काठमाडौं । जर्मन लक्जरी कार निर्माता कम्पनी मर्सिडिज बेन्जले ‘मर्सिडिज भिजन वन–इलेभेन’ फ्युचरिस्टिक कन्सेप्ट कार ल्याएको छ । कन्सेप्ट सुपरकारलाई कम्पनीले क्यालिफोर्नियाको काल्र्सबाडस्थित मर्सिडिज बेन्जको इन्टरनेशनल डिजाइन सेन्टरमा डिजाइन र विकास गरेको हो ।

मर्सिडिज बेन्ज भिजन वन–इलेभेन दुई सिटको इलेक्ट्रिक हाइपरकार कन्सेप्ट मोडेल हो । यो मर्सिडीज सि१११ कन्सेप्ट कारको अपग्रेडेड संस्करण हो, जुन कम्पनीले सन् १९७० को दशकमा ल्याएको थियो । मर्सिडिज सी १११ कन्सेप्ट कारलाई सम्मान गर्न कम्पनीले भिजन वन–इलेभेन कन्सेप्ट कारको विकास गरेको छ ।

मर्सिडिज बेन्ज भिजन वन–इलेभेन : बाहिरी स्वरुप

कम्पनीले मर्सिडिज बेन्ज भिजन वन–इलेभेन कारको उचाइ ११६८ एमएम मात्र राखेको छ । यसमा ग्राउण्ड क्लियरेन्स एकदमै कम छ, जसका कारण यो पूरै जमिनमा टाँसिएको देखिन्छ । कम्पनीले कारमा कति ग्राउन्ड क्लियरेन्स उपलब्ध छ भन्नेबारे जानकारी दिएको छैन ।

मर्सिडिज बेन्ज भिजन वन–इलेभेन : इन्टेरियर

कारको इन्टेरियरलाई पनि कम्पनीले फ्युचरिस्टिक बनाएको छ । कारको केबिनमा कम्पनीले निकै ठूलो स्क्रिन दिएको छ, जुन ड्राइभरको साइडबाट यात्रुको छेउसम्म पुग्छ । कारको इन्टेरियरमा सेतो, सुन्तला र सिल्भर कलर प्रयोग गरिएको छ । यससँगै कारमा दुईवटा ढोका पनि दिइएको छ जुन माथितिर खुल्छन । कम्पनीले यो कन्सेप्ट कार कहिले लन्च गर्ने हो, आधिकारिक जानकारी भने दिइएको छैन । मिडिया रिपोर्टका अनुसार कम्पनीले यस कारको डिजाइन र फिचर एएमजी इलेक्ट्रिक मोडलमा प्रयोग गर्न सक्नेछ ।

कन्सेप्ट कार के हो ?

कन्सेप्ट कारहरू भविष्यका कारहरूको लागि प्रस्तावहरू हुन् । कन्सेप्ट कार प्रस्तुत गर्दै कम्पनीले आफ्ना ग्राहकहरुलाई भविष्यमा कस्तो प्रकारको कार बनाउने सोच रहेको छ भन्ने जानकारी दिएको छ तर, जब कन्सेप्ट कार वास्तवमा लन्च हुन्छ, यसमा धेरै परिवर्तनहरू देखिन्छन् । कन्सेप्ट कारहरू मार्फत कम्पनीहरूले आफ्ना उत्पादनहरूमा मानिसहरूको चासो बढाउँछन् । अनुवाद गरिएको