काठमाडौं । नबिल बैंकले आफ्ना सेयरधनीलाई नगद लाभांश बुझिलिन सुचना जारी गरेको छ । ५ बर्षभन्दा पुरानो नगद लाभांश नबुझेका सेयरधनीलाई तत्काल त्यस्तो लाभांश बुझिलिन सुचना जारी गरेको हो ।
कतिपय लगानीकर्ताले आर्थिक बर्ष २०७०/७१ को लाभांश समेत लिन नआएकाले तत्काल त्यस्तो लाभांश बुझिलिन आफ्ना सेयरधनीमा सुचना जारी गरेको हो । उक्त लाभांश एक महिनाभित्र बुझिलिन समेत बैंकले सेयरधनीलाई सुसुचित गराएको छ ।
यदि सुचना प्रकाशित भएको मितिले एक महिना भित्र उक्त लाभांश लिन नआएमा कम्पनी ऐन अनुसार स्थापना भएको लगानीकर्ता संरक्षण कोषमा जम्मा हुने समेत बैंकले जानकारी दिएको छ ।
त्यसरी लाभांश बुझिलिन बाँकी लगानीकर्तालाई बैंकको सेयर रजिष्टार नबिल इण्भेष्टमन्ट बैंकिङमा सम्पर्क गर्न समेत आग्रह गरेको छ ।
