बिजखबर संबाददाता
२२ भदौ,काठमाडौं । मंगलवार स्थानीय बजारमा सुनको भाउ १ सय रुपैयाँले घटेको छ ।
तीज पर्व नजिकिँदै गर्दा उतारचढाव देखिरहँदा सो दिन सुनको मूल्य घटेर प्रतितोला ५० हजार ४ सयमा झरेको हो ।
त्यस्तै चाँदीको भाउ पनि तोलाको ५ रुपैयाँले घटेको छ । सो दिन चाँदी तोलाको ६ सय ८० रुपैयाँमा कारोवार भइरहेको नेपाल सुनचाँदी व्यवसायी महासंघले जानकारी दिएको छ ।
यसैबीच महासंघले तीजको अवसरमा सम्पूर्ण दिदीबहिनीहरुलाई शुभकामना दिएको छ । अध्यक्ष मणिरत्न शाक्यले शुभकामना वक्तव्य जारी गर्दै तीजको अवसरमा दिदीबहिनीहरुको मनोकांक्षा पुरा होस् भन्ने कामना गरेका छन्।
