काठमाडौं । सिटी एक्सप्रेस मनी ट्रान्सफरले आफ्नो सम्पुर्ण कर्मचारीहरुको कोभिड बीमा गरेको छ ।
कम्पनीले विप्रेषण सेवा अत्यन्त जरुरी भएको र निरन्तर सेवा प्रदान गर्नु परेको अवस्थाले आफ्नो सम्पूर्ण कर्मचारीको कोरोना बीमा गरेको हो । हाल कम्पनीले कोभिड सुरक्षा विधी अपनाएर दैनिक काम गर्दै आईरहेको छ ।
लकडाउनको बेला सबै सिटी एक्सप्रेसका कर्मचारीहरुले घरमै बसेर आफ्नो कामहरु गरिरहेका छन् । तर, विप्रेषण सेवा अत्यावश्यक सेवा अन्तरगत पर्ने भएकाले कम्पनीले नेपाल राष्ट्र बैंकको निर्देशन अनुसार आवश्यक कर्मचारीहरुमार्फत कार्यालयबाट विप्रेषण सेवा प्रदान गरिरहेको छ ।
यस्तो विषम परिस्थितिको सामना गर्दै निरन्तर सेवामा खटिरहेका कर्मचारीहरुको उच्च मूल्यांकन गर्दै सेवामा थप उत्साह र उच्च मनोबलका साथ काम गर्न हौसला प्रदान गर्नका लागि उक्त बीमा गरिएको सिटी एक्सप्रेसले जानकारी दिएको छ ।
सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउदै बिगत १३ वर्ष देखि विश्व भरी आफ्नो रेमिट एजेन्टहरुबाट ७५ सय भन्दा बढि नेपालको एजेन्टहरुमार्फत भुक्तानी प्रदान गर्दै आइरहेको छ ।
