बिजखबर संबाददाता
२४ साउन,काठमाडौं । हप्ताको पहिलो दिन आइतबार सुनको भाउ २ सय रुपैयाँले बढेको छ ।
केही दिन स्थिर रहेको सुन आइतवार भने बढेर ४७ हजार ७ सय रुपैयाँमा पुगेको हो । नेपाल सुनचाँदी व्यवसायी महासंघका अघिल्लो हप्ताको केही दिन सुन ४७ हजार ५सय रुपैयाँमा कारोबार भएको थियो ।
शुक्रवार अन्तरराष्ट्रिय बजारमा सुनको भाउ बढेको थियो । अमेरिकी गैर–कृषिक्षेत्रको तथ्याङ्कले फेडरल रिजर्भले ब्याजदर तत्कालै बढाउने निर्णयलाई केही पर धकेल्ने सङ्केत गरेपछि सुनको भाउ बढेको हो । त्यसको प्रभाव आइतवार नेपाली बजारमा देखिएको छ ।
आइतबार चाँदीको भाउ पनि पाँच रुपैयाँले बढेर तोलाको ६ सय ६५ रुपैयाँ पुगेको महासंघले जनाएको छ ।
