बिजखबर संवाददाता
६ साउन, काठमाडौं । स्थानीय बजारमा सुनको मुल्य प्रतितोला १ हजार ५ सय रुपैयाँले घटेको छ । अघिल्लो दिनसम्म प्रतितोला ४९ हजार ५ सय रुपैयाँमा कारोवार भइरको सुनको मुल्य एकैदिन १ हजार ५ सय रुपैयाँले घटेको नेपाल सुनचाँदी व्यवसायी महासंघले जनाएको छ ।
महासघका अनुसार बुधबार सुन प्रतितोला ४८ हजार रुपैयाँमा कारोवार भइरहेको छ । पछिल्लो १ महिनामा सुनको मुल्य प्रतितोला ४ हजार रुपैयाँभन्दा बढीले घटेको छ ।
साथै महासंघले नेपाली बजारमा सुनको मुल्य अझै घट्ने जानकारी दिएको छ ।
स्थानीय बजारमा चाँदीको मुल्य पनि ओरालो लागेको छ । बुधबार चाँदी प्रतितोला ६ सय ६५ रुपैयाँमा कारोवार भइरहेको छ ।
