बिजखबर संवाददाता
३२ जेठ, काठमाडौं । सोमबार नेप्से परिसुचक ५ दशमलब ३८ अंकले बढेको छ । बजार खुलेपछि केही समय ओरालो लागेको नेप्से अन्तमा बढेको हो । ९ सय २८ दशमलव ३५ अंकबाट बढ्न सुरु गरेको नेप्से अन्तमा ९ सय ३३ दशमलव ७३ अंकमा गएर अडिएको छ ।
बजारमा सवैभन्दा बढी बीमा समुहको परिसुचक ३४ अंकले बढेको छ । यसैगरी जलविद्युत् समुहको परिसुचक पनि १५ अंकले बढेको छ । बजारमा सवैभन्दा प्रभाव पार्ने बैंकिङ समुहको परिसुचक पनि ५ दशमलव २८ अंकले उकालो लागेको छ । आज फाइनान्स वाहेक अन्य सवै समुहका परिसुचक बढेको छ ।
दिनभर १ सय २२ कम्पनीको सेयर कारोवार भएको छ । अघिल्लो दिनको तुलनामा करोवार रकममा पनि बृद्धि भएको छ । ती कम्पनीको २२ करोड रुपैयाँ बरावरको ६ लाख २२ हजार कित्ता सेयर कारोवार भएको छ ।