काठमाडौं । काठमाडौंको गोगंबुमा रहेको बिजी मलले दशैंतिहार लक्षित उपहार योजना सुरु गरेको छ । ‘यमाहा फ्यान्टास्टिक दशैं तिहार, हरेक दिन उपहार’ योजनाबाट सेवाग्राहीले हरेक दिन उपहार पाउन सकिने मलले जनाएको छ ।
चाडपर्वका बेला ग्राहकले सपिङ गर्दा हात खाली नजाने उपहार सहित सामान उपलब्ध गराउनका लागि उपहार योजना सुरु गरिएको मलका निर्देशक राजु गिरीले जानकारी दिएका छन । सप एण्ड वीन उपहार योजनामा सहभागी हुन ग्राहकले कम्तीमा एक हजार रुपैंयाको सामान खरिद गर्नु पर्नेछ । सामान खरिद गरेपछि ग्राहकले पाउने उपहार कुपनका आधारमा दैनिक, साप्ताहिक तथा बम्पर उपहारको घोषणा गरिने छ ।
बम्पर उपहारमा ३ जनाले क्रमश यमाहाको एफजेड मोटरसाइकल, यमाहा रे जेड स्कुटर तथा ४ रात ५ दिनको बैंकक ट्रिपको उपहार जित्न सक्ने मेला संयोजक हिरामणी तिमिल्सनाले बताए ।
अफर अन्तरगत ग्राहकले दैनिक रुपमा १ हजार रुपैयाँको सपिङ भौचर, लन्च कुपन तथा मुभी टिकट प्राप्त गर्नसक्ने छन् । त्यसैगरी, साप्ताहिक रुपमा ३२ ईञ्चको सिजिको एलईडी टेलिभिजन, सिजि वासिङ मेशिन, र सिजि ग्यास एण्ड इलेक्ट्रिक हिटर, सिजि इलेक्ट्रिक ओभन तथा साउण्ड बार उपहारको रुपमा पाउन सक्नेछन ।
असोज २ गतेदेखि सुरु भएको यमाहा फ्यान्टास्टिक दशैं तिहार योजना यही कार्तिक २५ गतेसम्म सञ्चालन हुनेछ ।
