काठमाडौं । बुधबार नेप्से परिसुचक दोहोरो अंकले घटेर ११ सयको विन्दुमा पुगेको छ । लगातार घटिरहेको नेप्से परिसुचक बुधबार १० दशमलव २६ अंकले घट्दै ११ सय ९७ विन्दुमा पुगेर रोकिएको हो ।
बुधबार बजारमा जिवन बीमा समुहको परिसुचकमा सबैभन्दा धेरै विन्दूको गिरावट आएको छ । बुधबार जिवन बीमा समुहको परिसुचकमा ५७ दशमलव १२ अंकको गिरावट आएको हो ।
यस्तै निर्जिवन बीमा समुहको परिसुचकमा भने ३७ दशमलव २८ अंकको गिरावट आएको छ । बजारमा धेरै प्रभाव रहेको बैंकिङ समुह पनि बुधबार ९ दशमलव ५८ अंकले ओरालो लागेको छ ।
बुधबार सेयर बजारमा विभिन्न १ सय ६८ कम्पनीको कारोबार हुँदा १३ लाख २१ हजार ४ सय ८६ कित्ता सेयर किनबेच भएका छन भने कारोबार रकम ३७ करोड २४ लाख १७ हजार ६ सय ३७ पुगेको छ । बुधबार रुरल माईक्रोफाईनान्स डेभलपमेन्ट सेन्टरको १० करोड ५४ लाख बढीको प्रमोटर सेयर खरिदविक्री भएको छ ।
