काठमाडौं । काठमाडौंको नयाँबानेश्वरमा एक महिना भित्रै ईप्लेक्स मल संचालनमा ल्याउने भएको छ ।
एक महिना भित्रै संचालनमा आउने उक्त मलमा ५० भन्दा बढि बिभिन्न अन्तरराष्ट्रिय ब्रान्डका पसल, सुपर स्टोर, अत्याधुनिक सुविधायुक्त २ वटा सिनेमा हल, स्वच्छ खानाहरुको ‘फुडकोर्ट’ तथा कफीबार सहितको ईभेन्टजोन रहने छन ।
नेपालीहरुको रहन सहनमा आएको आधुनिक परिवर्तनका कारण सहज किनमेल गर्न सकिने यस्ता ब्यापारिक मलहरु संचालनको क्रम बढ्दै गईरहेको छ । साथै मनोरन्जन, खाना देखि दैनिक आवश्यक पर्ने सामाग्री सजिलै किनमेल गर्न सकिने छन ।
नेपालमा यस्ता मलहरुको बृद्धिले सर्वसाधारण उपभोक्ताहरु लाभान्वित हुने उक्त मलका प्रमुख कार्यकारी अधिकृत गणेश ढुंगानाले जानकारी दिएका छन ।
