ठमाडौं । धितोपत्र बोर्डले स्पर्स लघुवित्त वित्तीय संस्था र माउन्टेन हाइड्रो नेपाललाई साधारण सेयर (आईपीओ) निष्काशन गर्ने अनुमति पाएको छ । जसमध्ये माउण्टेन हाईड्रोले बुधबार र स्पर्स लघुवित्तले आजै मात्र बोर्डले आईपीओ जारी गर्न अनुमति दिएको हो ।
बोर्डका अनुसार दुई संस्थालाई कुल २० करोड ८५ लाख ७४ हजार रुपैयाँ बराबरको आईपीओ जारी गर्न अनुमति दिएको हो । जसमध्ये स्पर्स लघुवित्तले २ करोड ६९ लाख ६३ हजार बराबरको २ लाख ६९ हजार कित्ता र माउन्टेन हाइड्रोले १८ करोड १६ लाख ११ हजार रुपैयाँ बराबरको सेयर १८ लाख १६ हजार कित्ता प्राथमिक सेयर जारी गर्न अनुमति पाएका हुन ।
स्पर्सको धितोपत्र निष्काशन तथा बिक्री प्रबन्धकको काम सानिमा क्यापिटल लिमिटेड रहेको छ भने माउन्टेन हाइड्रोको बिक्री प्रबन्धकको काम सिद्धार्थ क्यापिटलले गर्ने भएको छ ।
