काठमाडौं । माथिल्लो तामाकोशी जलविद्युत आयोजनाले स्थानीयको लागि छुट्याएको १० प्रतिशत सेयर भोली बाँडफाँड हुने भएको छ ।
आयोजनाले स्थानीय दोलखाबासीका लागि जारी गरेको सेयर बुधबार बाँडफाँड हुने आयोजना प्रमुख बिज्ञान श्रेष्ठले जानकारी दिएका छन । आयोजनाले स्थानीयको लागि १ करोड ५ लाख ९० हजार कित्ता सेयर वितरण गर्न लागेको हो ।
कम्पनीले बर्गीकरण अनुसार सेयर बाँडफाँड गर्ने जानकारी दिएको छ । सेयर बाँडफाँड गर्दा आवेदकलाई न्यूनतम ३० देखि ९० कित्तासम्म सेयर वितरण गर्ने बिक्री प्रबन्धकको तयारी छ । तर आयोजनाले स्थानीयलाई ३ समुहमा सेयर वितरण गर्ने भएको छ । आयोजना प्रमुख श्रेष्ठका अनुसार क, ख, ग समुहलाई सेयर वितरण गर्ने छ ।
कार्तिक १५ गते देखि सर्वसाधरणको लागि सेयर आवेदन खुल्ने भएकाले पनि स्थानीयको सेयर बुधबार बाँडफाँड गर्न लागिएको श्रेष्ठले बताए ।
आयोजनाले सर्वसाधरणको लागि १५ गते देखि ४ दिन आवेदन खुल्ला गर्ने भएको छ । सर्वसाधरणको लागि १ करोड ५८ लाख ८५ हजार कित्ता सेयर विक्री गर्ने भएको हो ।
