काठमाडौं । विश्वकप फुटबलको अवसरमा मोबाइल एप रिचार्जरले मोबाइल किन्दा टिभि सित्तैंमा दिने अफर सार्वजनिक गरेको छ ।
बिहीबार देखी सुरु हुने अफर अन्तरगत साओमीको एमआई मिक्स, एमआई एम फाईभ १ प्लस तथा जेटीईको एक्सन इलाइट मोडलका मोबाइल खरीदमा १९ इञ्चको टेक्नोजको एलईडी टिभि पाउने भएको हो ।
त्यसतै जेटीईको एक्सन मिनी, एचटीसीको डी ७२८ र ६२६ जी प्लस मोडलका मोबाइल खरिद गर्नेले टेक्नोजको १५ दशमलब ६ इञ्चको एलईडी टिभि पाउने छन । विश्वकप फुटबलको समयमा टिभि तथा मोबाइल किन्ने सोच बनाएकाहरुलाई लक्षित गर्दै मोबाईल रिचार्जरले यस्तो अफर ल्याएको हो ।
केही समय अघि सिमित अवधिकका लागि १ रुपैंयामा जर्सी उपलब्ध गराएको रिचार्जरले यो अफर एक सातासम्म रहने जानकारी दिएको छ । ‘मोबाइल किन्दा टिभि सित्तैंमा’ अफर रिचार्जरको वेबसाइटमा नभई मोबाइल एपमा मात्र लागू हुने रिचार्जरका प्रमुख कार्यकरी अधिकृत निराजन सिंहले बताएका छन ।
प्रत्येक महिनाको एक पटक यस्ता अफर सञ्चालन गरिने ग्लोबल कि टेक्नोलोजीका प्रबन्ध निर्देशक टीकाराम बुढाथोकीले बताए । ‘मोबाइल रिचार्ज, सिनेमा, बस र हवाई टिकट खरिद गर्दा वा अनलाइनबाट सपिंग गर्दा ११ वटा बैंकको इ बैंकिंग, इसेवा, आईएमई पे लगायतका गेटवेका साथै मास्टर तथा भिसाका डेविट र क्रेडिट कार्डबाट रकम तिर्न सक्नेछ ।
‘नेपाली एप्स हामी नेपालीहरुकै लागि’ भन्ने नाराका साथ सेवा सुरु गरेको रिचार्जरले १ हजार भन्दा बढी ब्राण्ड सँग सहकार्य गर्दै सुपथ मूल्यमा वस्तु तथा सेवा उपलब्ध गराउने लक्ष्य लिएको छ ।
