काठमाडौं । ओप्पोले एआर सेल्फी कन्टेष्टका विजेतालाहरुलाइ पुरस्कार वितरण गरेको छ । कम्पनीले मासिक रुपमा आयोजना गर्दै आएको सामाजिक सञ्जाल क्याम्पेनको सिरिज अन्तर्गत उक्त कन्टेष्टको आयोजना मे २१ देखि २८ सम्म गरेको थियो ।
कम्पनीले हालसालै सार्वजनिक गरेको ओप्पो एफसेवेन सिरिजमा उपलब्धे एआर स्टिकरको प्रचारका लागि सो क्याम्पेनको आयोजना गरेको जानकारी दिएको छ । कम्पनीका प्रमुख कार्यकारी अधिकृत बबी ट्राओले पुरस्कार विजेता निहारिक शर्मा, सुमित्रा लामा र युमिसा लामालाइ पुरस्कार हस्तान्तरण गरेका हुन ।
कम्पनीले पुरस्कार विजेतालाइ आकर्षक गिफ्ट ह्याम्पर प्रदान गरेको हो । कम्पनीले उक्त क्याम्पेनमा सहभागीलाई एआर स्टिकर प्रयोग गरिएको तस्वीर ह्याशट्याग ओपोएफसेवेन सहित कमेन्ट सेक्सनमा पोष्ट गर्न अनुरोध गरेको थियो ।
