काठमाडौं । एड्भान्स अटो मोवाइल प्रालिले रेनो वर्कशप अन हुइल’ वाउ नामक सर्भिस भेइकल रेनोका उपभोक्ताहरुलाई सेवा सुरुवात गरेको छ । कम्पनी रेनोको लागि नेपालको आधिकारीक बितरक हो ।
रेनो नेपालले पहिलो पटक अत्याधुनिक सर्भिस सेन्टर सहितको यो सेवा ल्याएको हो ।
रेनोको यो सेवाले बिशेष गरि काठमाडौँ उपत्यका भर सेवा प्रदान गर्ने जानकारी दिएको छ ।
यो सेवा उपत्यकाका ग्राहकले घरबाटै प्राप्त गर्न सक्नेछन् । यस सर्भिस सेवा पूर्णत अत्याधुनिक र सुविधा सम्पन्न हुनुको साथै यो सेवाबाट कारमा आउने ८० प्रतिशत समस्या त्यही नै समाधान हुने बताएको छ ।
रेनो उपभोक्ताहरूले यो सेवा लिनको लागि १६६०(०१(१६६६६ टोल फ्री नम्बरमा कल गर्न सकिने व्यवस्था छ ।
