काठमाडौं । सोमबार नेप्से परिसुचक ४६ दशमलब ६२ अंकले उकालो लागेको छ । सो दिन सेयर बजार १ हजार ५ सय ६४ दशमलब ९० अंकमा पुगेर बन्द भएको हो ।
सोेमबार कारोबारमा आएकामध्ये ट्रेडिङबाहेक सबै समुहको परिसुचक उकालो लागेको छ । सो दिन बीमा समुहको परिसुचक सबैभन्दा बढी २६४ दशमलब ७५ अंकले बढेको छ । त्यस्तै होटल ७८,विकास बैंक ५७ दशमलब ३६,जलविद्युुत ५२ दशमलब ५५ र बैंकिङ समुहको परिसुचक ४८ दशमलब ६६ अंकले बढेको छ ।
त्यसैगरी फाइनान्स र अन्य समुहको परिसुचक क्रमशः ९ दशमलब ९ र ० दशमलब २८ अंकले उकालो लागेको छ ।
यता ट्रेडिङ समुह भने ४ दशमलब २२ अंकले ओरालो लागेको छ ।
सोमबार बैंक अफ काठमाडौंको सबैभन्दा बढी १० करोड ८५ लाख रुपैयाँ बराबरको सेयर कारोबार भएको छ ।
सो दिन १सय ६३ कम्पनी कारोबारमा आएका छन् । ती कम्पनीको १४ लाख ५६ हजार कित्ता सेयरबाट ६० करोड ५० लाख रुपैयाँ बराबरको कारोबार भएको छ ।
