काठमाडौं । सिटी एक्सप्रेस मनी ट्रान्सफर प्रालिले दशैँ, तिहार र छठलाई लक्षित गर्दै ‘उत्सव एक्सप्रेस’ उपहार योजना घोषणा गरेको छ । उपभोक्तासँग पर्वको खुशी साट्ने उद्देशयसहित ९० दिनको सो योजना घोषणा गरेको हो ।
सिटी एक्स्प्रेसको यो उपहार योजना अन्तर्गत लक्की ड्र मार्फत उपभोक्ताहरुले दैनिक एक तोला चाँदीका सिक्काहरु, क्याप, टी सर्ट र किरिङ उपहार स्वरूप जित्न सक्नेछन् ।
त्यसैगरी साप्ताहिक रुपमा एकजना विजेताले ओप्पो मोबाइल र हरेक महिना लक्कीड्रमा विजयी हुने एकजनालाई एलजी रेफ्रिजिरेटर उपहार प्रदान गरिने कम्पनीले जानकारी दिएको छ ।
उपहार योजनाको अन्त्यमा एकजना भाग्यशाली विजेताले बम्पर उपहारका रुपमा रेनोल्टको क्विड आरएक्सएल कार जित्न सक्नेछन् । कम्पनीका अनुसार दैनिक, साप्ताहिक तथा मासिक विजेताहरु समेत बम्पर उपहारका लागि सहभागी हुने छन् ।
यो ‘उत्सव एक्स्प्रेस’ अफर भदौ १८ गते देखि मंसिर १५ गते सम्म लागू हुनेछ । यो अवधिभरी सिटी एक्सप्रेस मार्फत मनी ट्रान्स्फर गर्ने सम्पूर्ण सेवाग्राही यो उपहार योजनामा सहभागी हुनेछन् । यस उपहारको विजेता छनौट गर्दा विद्युतीय प्रणालीद्वारा गरिनेछ ।
योजना सिटी एक्सप्रेसमा कार्यरत कुनै पनि व्यक्तिलाई लागु नहुने बताएको छ ।
