काठमाडौं । सीजी मोटोकर्पले आफ्नो बेष्ट सेलर मोडल डिजायरको फेसलिफ्ट भर्जन सार्वजनिक गरेको छ । हियरटेक च्यासिस प्ल्याटफर्ममा आधारित भएर निर्माण गरिएको कारको वजन हल्का भएको छ । साथै यसको रोबष्ट च्यासिस डिजाइनका कारण कारमा यात्रा गर्नेका लागि भने अझ सुरक्षित भएको कम्पनीले जानकारी दिएको छ ।
सुरक्षामा विशेष ध्यान दिइ निर्माण गरिएको कारका सबै भ्यारियण्टमा डुअल एयरब्याग र एबीएसलाई स्ट्याण्डर्ड सुरक्षा फिचर्सका रुपमा उपलब्ध गरिएको छ । ‘कारको बाहिरी सजावट पूर्ण रुपले परिमार्जन गरिएको छ कम्पनीले बताएको छ । यसले गर्दा कारलाई आफ्नो श्रेणीकै सर्वाधिक स्टाइलिस लुक्स प्राप्त भएको छ । पछिल्लो संस्करणका तुलनामा नयाँ कारको चौडाइ ४० एमएम फराकिलो रहेको छ ।
साथै, कारमा लामो ह्विल बेसको प्रयोग गरिएको छ, जसले कारको आन्तरिक भागलाई थप स्पेशियस र आरामदायी बनाएको कम्पनीको दावी छ । कारको उपयोगितामा थप बढावा दिने सोचका साथ यसको बुट स्पेशपनि थप बढाएर ३ सय ७८ लिटर बनाइएको छ ।
कारमा प्रिमियम सेडानमा जस्तै किलेस एण्ट्रिज, डीआरएल, रियर भेण्ट सहितको स्वचालित एसीलगायत सुविधा उपलब्धलगायत अत्याधुनिक सुविधा उपलब्ध छ ।
साथै, कारमा एण्ड्रोइड अटोमा आधारित स्टेट अफ आर्ट ईन्फोटेनमेण्ट प्रणाली (भारतिय निर्मित कारमै पहिलो) र ठूलो टच स्क्रिन प्रणाली मार्फत एप्पल कार प्लेको सुविधापनि उपलब्ध गरिएको छ । कारलाई पूर्ण परिक्षण गरी सफलता हात पारिसकेको के१४ ईञ्जिनले शक्ति प्रदान गर्छ ।
