काठमाडैं । ललितपुर मोबाइल कम्प्लेक्सले फेब्रुअर १४ तारिख अर्थात भ्यालेन्टाइन डेको अवसर पारेर थ्रीजी साटेर फोरजी फोन किन्ने अन्तिम अवसर योजना ल्याएको छ । कम्प्लेक्सले भ्यालेन्टाइन डेको अवसरमा एक आपसमा प्रेम दर्शाउने तथा आफ्ना प्रेमी प्रेमीकाहरुलाई स्मार्टफोन उपहार दिने अवसरको रुपमा यो अफर ल्याएको हो ।
यो अन्तिम दिनको अन्तिम अफरमा फोरजी प्रबिधिलाई बढावा दिँदै फोरजी स्मार्टफोनहरु विशेष मुल्यमा बिक्री गर्नेछ । यो अफरमा आफुसँग भएको पुरानो थ्रीजी फोनको अधिकतम भ्यालूएसन गर्दै ब्राण्डेड फोरजी फोन लान सकिने कम्पनीले जानकारी दिएको छ । यसको लागि कम्प्लेक्समा तालिम प्राप्त दक्ष भ्यालुएटरले फोनको भ्यालूएसन गर्नेछन् ।
ललितपुर मोबाइल कम्प्लेक्समा यूगल जोडिहरुलेसँगै आएर फोन किन्दा विशेष रुपमा ५ देखि ७० प्रतिशत सम्मको छुटका साथमा विभिन्न किसिमका उपहारहरु प्राप्त गर्न सक्नेछन् ।
भ्यालेन्टाइन डे भनेको एक आपसमा माया साटासाट गर्ने दिन भएको हुँदा ग्राहकहरुका लागि यो अफर ल्याएको कम्पनीका अध्यक्ष पुरुषोत्तम बस्नेतले बताए । ‘एक आपसमा मायालुलाई उपहार दिनका लागि स्मार्टफोनहरु उत्कृष्ट उपहार हुन्,’ उनले भने, ‘हाम्रो कम्प्लेक्समा आफुले चाहेजस्तो ब्राण्ड र मोडलका फोनहरु किनेर मायालुलाई सरप्राइज दिनुहोस् ।’
मोबाइल कम्प्लेक्समा ह्वावे जीआर५ २०१७ मा फोरजी बिक्रीका लागि राखिएको छ । यो हाल बजारमा आएको सबैभन्दा पछिल्लो चर्चित स्मार्टफोन हो, जसमा २ वटा रियर क्यामरा राखिएको छ । यो मिडरेन्जमा दुईवटा मुख्य क्यामरासहित आएको पहिलो स्मार्टफोन हो ।
यसैगरी सामसुङको ग्यालेक्सी जे सेभेन प्राइम, जिओनीको एस सिक्स एस, जोप्पोको कलर एफ ५ तथा लिएगो ब्राण्डको एमएस प्लस एलटिई स्मार्टफोनहरु खरिद गर्न सकिनेछ । यी बाहेक अन्य ब्राण्डका स्मार्टफोनहरु एचटिसीको डिजायर सिरिज, जेडटिईको ब्लेड सेभेन, माइक्रोम्याक्सको क्यानभास सिक्स, ओप्पोको एफ वान एस, लाभाका बिभिन्न मोडलहरु तथा वान प्लस थ्री स्मार्टफोनमा पनि फोरजी प्रयोग गर्न सकिन्छ ।
भ्यालेन्टाइन डेको अवसरमा विभिन्न मोबाइल कम्पनीहरुले दिने उपहार योजनामा पनि सहभागी हुन सकिने संयोजक बस्नेतले जानकारी दिए ।
