काठमाडौं । बिहीवार नेप्से परिसुचक २६ दशमलव ७५ अंकले ओरालो लागेको छ । सो दिन सेयरबाटर १२ सय ९६ दशमलव २३ अंकमा झरेर बन्द भएको हो । विहीवार कारोवारमा आएका सवै समुह ओरालो लाग्दा समग्र सेयर बजारमा नकारात्मक प्रभाव परेको हो ।
सो दिन वीमा समुहको परिसुचक सवैभन्दा बढी २ सय २४ दशमलव १८ अंकले ओरालो लागेको छ । त्यस्तै जलविद्युत ३६ दशमलव ६३,बैंकिङ २६ दशमलव ८४,विकास बैंक १९ दशमलव ३८,होटल १३, फाइनान्स समुह ७ र अन्य समुहको परिसुचक ३ दशमलव ४७ अंकले घटेको छ ।
बिहीवार १ सय ३४ कम्पनी कारोवारमा आएका थिए । ती कम्पनीको १ करोड ५४ लाख कित्ता सेयरबाट ५७ करोड ६० लाखको कारोवार भएको छ ।
