काठमाडौं । मंगलवार नेप्से परिसुचक ४ दशमलव २४ अंकले ओरालो लागेको छ । सो दिन सेयरबजार १ हजार ३ सय ४४ दशमलव ९० अंकमा झरेर बन्द भएको हो ।
मंगलवार कारोवारमा आएका अधिकांश समुह ओरालो लाग्दा समग्र सेयर बजारमा नकारात्मक प्रभाव परेको देखिन्छ । सो दिन होटल समुहको परिसुचक सवैभन्दा बढी ४१ दशमलव ७, वीमा समुह २३ दशमलव ५६, जलविद्युत ६ दशमलव २१ र सेयर बजारमा सवैभन्दा बढी प्रभाव रहेको बैंकिङ समुहको परिसुचक ५ दशमलव १५ अंकले घटेको छ ।
त्यस्तै सो दिन विकास बैंक ३ दशमलव २६ अंकले ओरालो लागेको छ । यता अन्य र फाइनान्स समुहको परिसुचक भने ३ दशमलव १८ र ० दशमलव ३७ अंकले उकालो लागेको छ । मंगलवार १ सय ३२ ओटा कम्पनी कारोवारमा आएका थिए । ती कम्पनीको ११ लाख ८५ हजार कित्ता सेयरबाट ३१ करोड ९८ लाखको कारोवार भएको छ ।
