काठमाडौं । सीडीएससी एण्ड क्लियरिङ लिमिटेड नयाँ संरचनामा गएसँगै संचालक समितिले पूर्णता पाएको छ । नेपाल स्टक एक्सचेञ्ज (नेप्से) को नयाँ प्रमुख कार्यकारी अधिकृतमा चुडामणि चापागाई नियुक्त भएसँगै सीडीएससीको संचालक समितिले पूर्णता पाएको हो ।
नियमतः सीडीएससीको अध्यक्षमा नेप्सेको सीईओ रहने व्यवस्था छ । यसैगरी संचालकहरुमा पनि यसअघि सबै नेप्सेबाट प्रतिनिधित्व हुँदै आएकोमा नयाँ व्यवस्थासँगै नेप्सेमा प्रतिनिधित्व गर्ने संचालहरुको क्षेत्र पनि परिवर्तन भएको हो ।
यसअघि सीडीएससीमा शतप्रतिशत नेप्सेको सेयर थियो । तर, गत वर्ष अर्थमन्त्रालयले सीडीएससीको ४९ प्रतिशतभन्दा सेयर लिएसँगै संचालकमा प्रतिनिधित्व गर्ने संस्था समेत परिवर्तन भएको हो । जस अनुसार नयाँ संचालक समितिमा नेप्सेबाट अध्यक्ष सहित २ जना, अर्थमन्त्रालयबाट २ जना र १ जना स्वतन्त्र संचालक रहने व्यवस्था छ ।
सोही अनुरुप अध्यक्षमा नेप्सेबाट प्रतिधिनित्व गर्दै सीईओ चुडामणि चापागाईँ, संचालकमा नेप्सेबाट महाप्रबन्धकको रुपमा प्रतिनिधित्व गरेको सीडीएसीको सीईओ प्रविण पन्दाक, अर्थ मन्त्रालयबाट प्रतिनिधित्व गर्नेमा उपसचिव द्वय केशव कुमार उप्रेती र देवानन्द काफ्ले संचालकमा चयन भएका हुन् । तर विज्ञतर्फबाट प्रतिनिधित्व गर्ने स्वतन्त्र संचालकको भने नियुक्ती हुन बाँकी रहेको छ ।
