काठमाडौं । साताको चौथो कारोबार दिन ‘बुधबार’ नेपाल स्टक एक्सचेन्ज (नेप्से) परिसुचक उच्च अंकले बढेको छ । कारोबार समयको सुरुवातदेखि उकालो लागेको नेप्से अन्तिम समयमा २५.३१ अंकले बढ्दै २ हजार ७ सय १ को विन्दुमा उक्लेर रोकिएको हो ।
आज कुल ३ सय १८ कम्पनीका १ करोड ४ लाख ४२ हजार बढी कित्ता सेयर किनबेच हुँदा कारोबार रकम ५ अर्ब ४४ करोड ४४ लाख ३५ हजार रुपैयाँ पुगेको छ । आज कारोबारमा आएकामध्ये उत्पादनमुलक र निर्जीवन बाहेकका सबै समुहका परिसुचकहरु उकालो लागेका छन् । आज कारोबारमा आएकामध्ये १ सय ६६ कम्पनीको सेयरमूल्य उकालो लाग्दा ७८ कम्पनीको सेयरमूल्यमा गिरावट आएको छ ।
