काठमाडौं । सान्जेन जलबिद्युत कम्पनी लिमिटेड र नागरिक लगानी कोष वीच सेयर निष्काशन सम्झौता भएको छ । सान्जेन चलविद्युत कम्पनीको सेयर निष्काशनका लागि यी दुई संस्थाबीच आईतबार सम्झौता भएको हो ।
जस अनुसार सेन्जनको साधारण सेयर निष्काशनका लागि कोषले सेयर निष्काशन तथा विक्री प्रवन्धकको काम गर्ने छ । उक्त सम्झौता पत्रमा कोषका कार्यकारी निर्देशक रामकृष्ण पोखरेल र सान्जेनका प्रमुख कार्यकारी अधिकृत किरण कुमार श्रेष्ठले हस्ताक्षर गरेका हुन ।
सम्झौतासँगै कम्पनीले पहिलो चरणमा समुह ‘ग’ का क्रणदाता कर्मचारीको लागि छुट्टयाइएको १ प्रतिसत तथा संस्थापक सेयर धनी संस्थाका कर्मचारीको लागि ३ दशमलव ५ प्रतिसत र ‘घ’ अन्तरगतका कर्मचारी संचय कोषमा रकम जम्मा गरेका संचयकर्ता कर्मचारीलाई छुट्टयाइएको साधारण सेयर निष्काशन गर्ने छ । जस अनुसार कुल १९ दशमलव ५ प्रतिसतले हुन आउने प्रति कित्ता सय रुपैयाँका दरले ८७ लाख ६० हजार कित्ता सेयर निस्कासन गर्ने सम्झौता भएको कोषका सूचना अधिकृत उद्धव सिलवाले जानकारी दिए ।
